Нядаўна, рыхтуючы прэм'еру новага праекта "Літаратурнае кафэ" на радыё "Сталіца", ды яшчэ і перад Днём пісьменства задалася пытаннем пра чытацкія прыярытэты беларусаў. У прыватнасці, мінчан. Запрасіла цікавую асобу на эфір: лепшага блогера нашай краіны па версіі ЖЖ ("Жывога часопіса", калі па-беларуску) і мастачку Ніку Сандрас. Прызнаюся, 45 хвілін эфіру было мала: гаварылі б і гаварылі... Так захапіліся!..
Даведка: Ніка стала вядомай як мастачка менавіта дзякуючы ЖЖ. Такім чынам, любы творчы і таленавіты чалавек можа пра сябе заявіць, як і Ніка. І знойдзе прызнанне не пасля смерці або гадоў у 70, а значна раней. У гэтым сіла і станоўчы бок Інтэрнэту, які ўсё больш захоплівае людзей. А што ў такім выпадку за перспектывы ў папяровай кнігі? Мы з Нікай сышліся на тым, што яна будзе жыць, безумоўна, але ў многім саступіць (ужо саступае) пазіцыі электронным прыстасаванням.
Што ж на гэты конт кажуць мінчане, можаце паслухаць. Прапаную запіс маленькага апытання.